La curiera

E la curiera che la va sü e giò
E l'autista che na po' piü
E la sciura cun di bei tett
E la vegeta che ha sbaglià ul bigliett
Sempru la solita tiritera
Tücc in sü la curiera

E i passeggeri al rebaton del soo
La sciura Rosa con el so neod
E la turista la capis naot
E i tusanel che fan trop casott
Ma varda tì che fera
Tücc in sü la curiera

Gh' è anca ul prevat che al vö saltà giò
E l'operari che vö saltà sü
E vert i port, e sera i port
E l'autista che lè stracch mort
Sul dinosauro di lamiera
Tücc in sü la curiera

E la strada che lè la to mamm
E la strada che l'è la to tusa
E la strada che l'è un tocc de pan
E la strada che la vusa
E la strada che l'è una ciolada
Chela strada che l'è na bella tusa

E la curiera che la va sü e giò
E 'l cuntrulor cun la giacca blö
Tütt ciapò a cuntrulag ul bigliett
Ala dona cun di bei tett
Oh, signorina buonasera
Tücc in sü la curiera

Varda la strada, varda al specett
Porca miseria che razza de tett
Sett un autista, pensa a giudà
Che ul cuntrulor l'è già drè cuntrulà
Ma varda che atmosfera
Tücc in sü la curiera.

> Indice